cinema

స్టాలిన్ చిత్రం గురించి టూకీగా.....

2006-09-19T16:10:00.000+05:30

మెగాస్టార్ చిరంజీవి హీరోగా గజినీ ఫేమ్ ఎ.ఆర్.మురుగదాస్ రూపొందించిన స్టాలిన్ చిత్రం సెప్టెంబరు 20న ప్రపంచవ్యాప్తంగా 400 ప్రింట్లతో విడుదలకానుంది. ఈ చిత్రంపై ఇప్పటికే భారీ అంచానాలున్నాయి. దర్శకుడిగా మురుగదాస్‌కిది నాలుగో చిత్రంకాగా, తెలుగులో మొదటి ప్రయత్నమే. సూర్య హీరోగా ఆయన తమిళంలో రూపొందించిన గజినీ చిత్రం అదే పేరుతో తెలుగులో విడుదలై సంచలన విజయం సాధించిన సంగతి తెలిసిందే. దేశభక్తి ప్రధానంగా కార్గిల్ బ్యాక్‌డ్రాప్‌తో రూపొందిన ఈ చిత్రంలో చిరంజీవి సోదరిగా తమిళ నటి కుష్బూ, హీరోయిన్‌గా త్రిష, ఐటెం సాంగ్‌లో సూపర్ ఫేమ్ అనుష్క, తల్లి పాత్రలో ఊర్వశి శారద నటించారు.

అయితే గతంలో చిరంజీవి నటించిన చిత్రం ఠాగూర్‌కి ఇది దరిదాపుల్లో ఉంటుందని పలువురు భావిస్తుండగా, ఆ చిత్రానికి దీనికి సంబందం లేదని చిత్ర యూనిట్ తెలిపింది. గతంలో రుద్రవీణ చిత్రం కూడా ఓ రకంగా సమాజసేవా నేపథ్యంలో రూపొందిన చిత్రమే. కమర్షియల్ పరంగా ఆలోచిస్తే.... జై చిరంజీవా చిత్రం మెగాస్టార్‌కి కొంత నిరాశనే కలిగించవచ్చు. అయితే స్టాలిన్ మాత్రం అభిమానుల అంచనాలకు ఏ మాత్రం తగ్గదని ట్రేడ్ టాక్. కాగా ఈ చిత్రం తర్వాత చిరంజీవి మళ్లీ మాస్ తరహా పాత్రలో కన్పించనున్నారు. యువకుడు అమ్మ రాజశేఖర్ దీనికి దర్శకత్వం వహిస్తాడని తెలిసింది.

ప్రత్యేక తెలంగాణపై మీ అభిప్రాయం...?

2006-09-04T16:43:00.000+05:30

ప్రియమైన బ్లాగర్ పండితుల దృష్టికి..... తెలంగాణా వివాదం.
నెల్లాళ్లుగా రాజుకుంటున్న ప్రత్యేక తెలంగాణా రాష్ట్రంపై మీ అనుభవాలను, అభిప్రాయాలను తెలుపగలరు. ఈ విషయంపై తెలంగాణా రాష్ట్ర సమితి (తెరాస) కీలక నేతలు కెసీఆర్, నరేంద్రలు మంత్రి పదవులను సైతం త్యాగం చేసిన సంగతి తెలిసిందే. మరోవైపు తెరాస కార్యకర్తలు 15 రోజుల పాటు జరిగిన అసెంబ్లీ వర్షాకాల సమావేశాల్లో ప్రత్యేక తెలంగాణాపై వాయిదా తీర్మానాన్ని ప్రవేశపెట్టాలని పట్టుబట్టి వరుసగా చివరి నాలుగురోజులు సభ నుంచి బహిష్కృతులైన సంగతీ తెలిసిందే. ఈ నేపథ్యంలో ప్రత్యేక తెలంగాణా సఫలీకృతమౌతుందా..? కాదా...? అనేది ప్రశ్నార్థకంగా మారింది. అయితే ప్రత్యేక తెలంగాణా రాష్ట్ర ప్రయోజనాలను దెబ్బతీస్తుందా ...? ఒకవేళ ప్రత్యేక తెలంగాణా ఏర్పడితే రాష్ట్ర రాజధాని హైదరాబాద్‌ను కేంద్రపాలిత ప్రాంతంగా పరిగణించాలని కొందరు సూచించడం జరిగింది. వీటన్నింటిపై మీ అభిప్రాయం ఏమిటి...? కాగా భాషా ప్రయుక్త రాష్ట్రాల విభజన ఏనాడో జరిగిపోయిన విషయం విదితమే.

మోడరన్ దేవదాసు

2006-08-23T18:59:00.000+05:30

రామ్ - ఇలియానా లను హీరోహీరోయిన్లుగా వెండితెరకు పరిచయం చేస్తూ ప్రముఖ దర్శకుడు వై.విఎస్.చైదరి రూపొందించిన ఈ చిత్రం సంక్రాంతి సమయంలో విడుదలైంది. విడుదలైన కొద్దిరోజుల తర్వాత కలెక్షన్ల పరంగా మెల్లమెల్లగా పుంజుకుంది. ఈ చిత్రం ద్వారా హీరోయిన్‌గా పరిచయమైన ఇలియానా ప్రస్తుతం టాలీవుడ్‌లో మంచి డిమాండ్ ఉన్న నాయికగా కొనసాగుతోంది. ధనిక వర్గానికి చెందిన ఓ అమ్మాయి, పేదరికంలో ఉన్న అబ్బాయి మధ్య కథాంశంతో రూపుదిద్దుకున్న ఈ చిత్రం ఇప్పటికీ కలెక్షన్ల పరంగా ఫర్వాలేదనిపించే రీతిలో ముందడుగు వేస్తోంది. ఈ చిత్రం విజయవంతంగా 175 రోజులను పూర్తి చేసుకున్న వైనాన్ని చూస్తే చిన్న బడ్జెట్ చిత్రాలు కూడా పెద్ద చిత్రాలను అధిగమించగలవనే భావన స్పష్టమౌతోంది.

లక్ష్మీ చిత్రం గురించి సంక్షిప్తంగా...

2006-08-23T18:52:00.000+05:30

విక్టరీ వెంకటేశ్ కధానాయకుడిగా ఈ ఏడాది సంక్రాంతి కానుకగా విడుదలైన లక్ష్మీ చిత్రం రెండో హిట్ చిత్రంగా నిలిచింది. ఫ్యామిలీ ఎంటర్‌టైనర్‌గా రూపొందిన ఈ చిత్రానికి వి.వి.వినాయక్ దర్శకత్వం వహించారు. చంద్రముఖి ఫేమ్ నయనతార ఈ చిత్రంలో నాయిగా నటించి మెప్పించింది. కథ రొటీన్‌గా ఉన్నప్పటికీ ఈ చిత్రం వంద రోజుల వైపుగా పరుగులు తీస్తోంది. ఈ చిత్రంలో ప్రధాన భూమిక పోషించిన హీరో వెంకటేశ్ తన పాత్రకు నూరుశాతం న్యాయం చేకూర్చారనడం అతిశయోక్తి కాదు. ఈ చిత్రం విడుదలైన ఆరు నెలల వరకు వెంకటేశ్ మరో చిత్రానికి కమిట్ కాలేదు. తాజాగా 7/జి బృందావని కాలని చిత్ర దర్శకుడు సెల్వ రాఘవన్ దర్శకత్వంలో 'ఆడవారి మాటలకు అర్థాలు వేరులే ' చిత్రంలో ప్రస్తుతం నటిస్తున్నారు. ఇందులో అందాల తార త్రిష కధానాయిక.

పోకిరి చిత్రం సంక్షిప్త వివరాలు

2006-08-23T18:45:00.000+05:30

ప్రిన్స్ మహేష్‌బాబు - సెక్సీగాల్ ఇలియానా జంటగా నటించిన ఈ చిత్రం ఆంధ్రప్రదే్శ్ అంతటా విజయదుందుభి మోగిస్తోంది. గత 75 ఏళ్ల తెలుగు సినీ చరిత్రలో నమోదైన కలెక్షన్ల రికార్డును ఈ చిత్రం తిరగరాసింది. అమెరికా, బ్రిటన్, గల్ఫ్‌తో పాటు ఇతర దేశాల్లో కూడా మంచి వసూళ్లను సాధించి పెడుతోంది. ఇటీవలే యాభై రోజుల పండుగను పూర్తి చేసుకుని వందరోజుల దిశగా పరుగులు తీస్తోంది. డైరెక్టర్ పూరి జగన్నాథ్ తనదైన శైలిలో ఈ చిత్రాన్ని అద్భుతంగా మలిచాడు. తాను ప్రజెంట్ చేసిన విధం మెచ్చుకోలుగా ఉంది. ఈ చిత్రంలో వయిలెన్స్ ఎక్కువగా ఉన్నట్లు కన్పించినా హీరోహీరోయిన్ల మధ్య సన్నివేశాలు వాటిని కప్పివేశాయి. ఈ విషయంలో పూరి జగన్నాథ్ ప్రతిభను ఎంతైనా సమర్థించాలి. దేవదాసు చిత్రంతో కధానాయికగా తెలుగు తెరకు పరిచయమైన ఇలియానా, హీరో ప్రిన్స్ మహేష్‌బాబు జోడీ తెరపై హాట్ పెయిర్‌గా కన్పించిందని పలువురి రసజ్ఞుల అభిప్రాయం.

Spl.article on Megastar Chiranjeevi

2006-08-22T19:30:00.000+05:30

Megastar Chiranjeevi celebrated his 52nd Birthday on 22nd Aug (Tuesday) in Hyderabad at his residence with a grand manner. On this great occasion most of the (all) Tollywood personalities, Politicians, fans attended and greeted him. His new picture Stalin(which is under the direction of A.R.Murugadas) audio will release on Wednsday. This pic is totally patriotism oriented like his previous films like Rudraveena,Tagoore. In Stalin “Varsham” fame Trisha is doing female role. We are aware that Chiru organizing so many social welfare activities like Eye and Blood-donation banks etc… for the needy. And in 2002-03 Chiru’s Blood bank is awarded as a best blood bank by the Andhra Pradesh state government. In Stalin one song would compose on his socio activities what I mentioned above.

We Know that Chiru recently received the great Padmabhushan Award from the Government. Chiru first full length film is Pranam khareedu which is released on 11th Feb, 1978. But as an actor his first film is Punadirallu. His first 100days film is Manavoori pandavulu which is also helped him to hold his position as an actor in the film industry. In Master picture he also converted as a singer by singing Tammudu are Tammudu song. In his cine carrer as a hero Chiru acted 23 films in A.Kodandarami reddy direction. And he became as a Megastar from the film Marana Mrudangam which is released in 1988).

Few details about his personal life are he has one son Ram Charan Teja and two daughters namely Sushmitha &Srija. Recently Sushmitha gets married. And Ram Charan Teja will make his debut as a hero in coming months. And Chiru have two brothers namely Nagendra babu and hero Pawan kalyan.

శ్రీరామదాసు చిత్రం విశేషాలు

2006-07-28T18:41:00.000+05:30

అక్కినేని నాగార్జున ప్రధానపాత్ర పోషించిన భక్తిరస కావ్యం శ్రీరామదాసు ఈ ఏడాది విడుదలైన చిత్రాల్లో ప్రత్యేక ఆకర్షణగా నిలిచింది. ప్రేమకధా చిత్రాలే విడుదలవుతున్న ప్రస్తుత తరుణంలో దర్శకేంద్రుడు కె.రాఘవేంద్రరావు తనదైన శైలిలో అలనాటి రామభక్తుడు రామదాసు జీవితచరిత్ర ఆధారంగా ఈ చిత్రాన్ని తెరకెక్కించారు. ప్రత్యేకించి ఈ చిత్రంలో 'అంతా రామమయం' అనే పాట మదిమదినీ అలరించింది. గతంలో అన్నమయ్య చిత్రానికి అద్భుత బాణీలను సమకూర్చిన ఎం.ఎం.కీరవాణి ఈ చిత్రానికి శ్రావ్యమైన సంగీతాన్ని అందించి మరోసారి తన సత్తా చాటుకున్నారు. ఈ చిత్రంలో ఫ్యామిలీ హీరోయిన్ స్నేహ నాయికగా నటించింది. ఉగాది కానుకగా విడుదలైన ఈ చిత్రం వందరోజుల పండుగను పూర్తి చేసుకుని కలెక్షన్ల పరంగా ఇప్పటికీ ముందంజలో ఉంది. గతంలో రాఘవేంద్రరావు - నాగార్జున - కీరవాణి కాంబినేషన్లో వచ్చిన అన్నమయ్య చిత్రం ఎంతటి ఘనవిజయాన్ని సాధించింతో తెలిసిందే.